Папата Франциск во ексклузивно интервју за американската новинска агенција АП, зборуваше и за хомосексуалноста, која ја нарече грев, а не злосторство.
Тој призна дека католичките свештеници во некои делови од светот ги поддржуваат законите кои ја криминализираат хомосексуалноста или ја дискриминираат ЛГБТ заедницата. Таквите ставови ги припиша на културните средини и рече дека свештениците треба да поминат низ процес на промена за да се признае сечие достоинство.
„Хомосексуалноста не е злосторство, но е грев. Добро, но прво мора да направиме разлика помеѓу злосторство и грев. Грев е и да немате милосрдие еден со друг“, вели папата.
Тој му оддаде почит на Бенедикт Шеснаесетти, велејќи дека го загубил својот татко.
Папата исто така рече дека е во добра здравствена состојба за своите години, а зборуваше и за можно повлекување од функцијата, но го отфрли регулирањето на улогата на почесен папа.
Еве што изјави папата кога беше прашан за пензионерските денови.
