Во последните месеци имаше многу претпоставки и хипотези за новиот Џејмс Бонд. Сега стигнува веста дека името на кое треба да се фокусираме не е Том Харди, како што до неодамна се зборуваше, туку Хенри Кавил. Неговото присуство во новото поглавје на сагата 007 според многумина е речиси сигурно.
Не е првпат името на Хенри Кавил да кружи кога станува збор за Џејмс Бонд. Всушност, веќе по заминувањето на Пирс Броснан „излезе“ и името на британскиот актер кој го играше Супермен во „Човекот од челик“. Изборот потоа отиде кај Даниел Крег. Но, гласините всушност никогаш не престанаа.
Дури и самиот Кавил, се разбира, навива за оваа улога па постираше на својот интаграм профил видео во кое веќе пие мартини.
View this post on Instagram
Но, не само Кавил: во игра е и војводата од Бриџертон
Ако името на Хенри Кавил е константа во дебатата за новиот Џејмс Бонд, во исто време има и други актери кои влегуваат меѓу „номинираните“.
Еден од нив е Реџе-Жан Пејџ, познат како Војводата од Хестингс од успешната серија Бриџертон.
Тој, инаку, со 34 години е најмладиот од кандидатите. Кавил има 39, додека Том Харди, ќе дува 45 свеќи во септември.
View this post on Instagram
Сагата за Џејмс Бонд: се чека 26-то поглавје
Џејмс Бонд не е само сага, туку вистинска култура, меѓу книжевните дела и филмовите. Тоа е всушност најдолгата филмска франшиза: за неколку месеци ќе наполни 60 години, имајќи предвид дека првиот филм – Агентот 007 – Лиценца за убиство – беше објавен на 5 октомври 1962 година.
