Крахот на бракот на Мелина и Харис Џиновиќ по 22 години заеднички живот сè уште ја интригира јавноста. Модната дизајнерка започна сосема нов живот и се ожени со британскиот милионер Џефри Пол Арнолд, па се пресели во Монако.
Сепак, во јавноста се појавуваат спротивставени тврдења за вистинските причини за нивниот развод. Водителот Божо Добриша изнел тврдење дека главната причина за раскинувањето е неверството на Харис, наведувајќи дека персоналот од еден хотел му открил дека пејачот уште од минатото лето имал афера со келнерка.
– Знам за неговата афера уште од минатото лето. Луѓето од хотелот ми раскажаа за неговата афера со келнерката – рекол водителот Божо Добриша за РЕД ТВ.
Од друга страна, пејачката Ивана Шашиќ јавно истакнала дека Мелина е таа што „изневерувала“ и дека тоа била „јавна тајна“.
Ивана Шашиќ неодамна крена многу прашина јавно коментирајќи го разводот на пејачот Харис Џиновиќ и модната дизајнерка Мелина Џиновиќ.
„Сите знаевме дека Мелина таму некаде изневерува и дека на тоа мора да му дојде крај“, изјавила Ивана Шашиќ за „Грандонлајн“ и додала дека, кога станува збор за Харис Џиновиќ и Мелина Џиновиќ, сите всушност очекувале ова да се случи. Пејачката додала: „Да не се лажеме, тоа е јавна тајна“.
Откако ја напушти семејната вила на Сењак, Мелина започна сосема нов живот и се омажи со милионер во Монако.
По веста за новиот брак на Мелина, Харис Џиновиќ одлучи да го прекине молчењето. Пејачот ладно порача дека воопшто не го интересираат случувањата во нејзиниот живот, нагласувајќи дека неговата поранешна сопруга повеќе не постои за него и споредувајќи ја со воздух. После сè, на Харис најголема поддршка му е неговиот син Кан.
