Пред два месеци, пејачката Гога Секулиќ објави фотографија на Инстаграм со актерот Џеки Чен.
Пејачката сега за прв пат раскажа како се запознала со легендарниот актер, кој ќе биде амбасадор на специјализираната изложба Експо 2027, која за прв пат ќе се одржи на Западен Балкан, во Белград.
– Бев со пријателка од Париз која престојуваше во истиот хотел каде што беше и Џеки Чен. Дојдов да пијам кафе со неа бидејќи таа требаше да оди на аеродром. И Џеки Чен одеше на аеродром. Тој беше со негов пријател пред хотелот. Мојата пријателка го праша на англиски: „Еј, Џеки Чен, може да се сликаме?“ и тој рече дека може. Ги поздравив момците што беа со него во обезбедувањето и им реков дека и јас ќе се фотографирам со него, а потоа тие рекоа: „Ова е една од нашите познати пејачки“. Џеки беше многу љубезен, застанавме малку, разговаравме, се запознавме и се сликавме. Им посакав среќен пат – рече Гога за „Блиц“.
– Гога Чениќ и Џеки Секулиќ пишуваа под нашата фотографија, беше интересно. Пријателите ме прашуваат како секогаш среќавам некого, па ете. Имам некоја енергија и харизма, комуникативна сум, нема да верувате кого сè среќавам преку ден. Пред 10 години ја запознав Тина Тарнер, беше голема чест за мене да запознаам таква ѕвезда – рече Гога.
View this post on Instagram
