Иако со години ужива во бракот и семејниот живот со сопругата Слаѓана, пејачот Радиша Трајковиќ Ѓани во едно телевизиско гостување призна дека, доколку бил слободен, од естрадните дами би се оженил со Јелена Карлеуша.
За тоа имал и посебна причина.
– Би се оженил со Јелена Карлеуша, ме привлекуваат високи жени. Би се сложувале како куче и мачка. Да се држиме за рака и да шетаме. Еве, сега првпат го кажувам тоа; да не беше Слаѓа, тоа ќе беше Јелена Карлеуша. Само чудно би звучело да биде Трајковиќ – изјавил Ѓани без двоумење во емисијата „Амиџи шоу“, оставајќи ги присутните без зборови.
Да потсетиме, Слаѓа и Ѓани неодамна одбележаа 30 години брак.
– Триесет години заедно, низ сите убави и тешки моменти, и повторно би те избрала тебе. Ти благодарам за љубовта, сигурноста и за сите наши спомени. Среќна годишнина – напиша тогаш Слаѓана Трајковиќ на социјалните мрежи.
Во тој период пејачот се опоравуваше од необичен инцидент, откако беше каснат од еден гостин на свадба на која настапувал.
