Гитаристот Том Верлен, кој се прослави на њујоршката панк-сцена во 1970-тите како фронтмен на рок групата „Телевижн“, (Television), почина на 74-годишна возраст.
Групата „Телевижн“ имаше три британски Топ 40 хит синглови и ги доби сите пофалби за нејзините албуми „Marquee Moon“ и „Adventure“, а имаше повеќе успех во Британија, отколку во родната Америка. Членовите на групата се разидоа во 1978 година.
Смртта на Верлен ја објави Џеси Парис Смит, ќерката на неговата долгогодишна соработничка Пети Смит, која не ја прецизираше причината, велејќи дека тој починал „по кратко боледување“.
