Српската пејачка Зорица Марковиќ со својата најнова објава на социјалната мрежа Инстаграм покажа дека по напуштањето на српското реално шоу „Задруга 9 – Елита“ завршила во болница. Судејќи според нејзината објава, таа се наоѓа на одделение на кардиологија.
Притоа таа ја искористила можноста да им се заблагодари на лекарите на кардиологија и на другиот медицински персонал за укажаната нега и третман, со насмевка на лицето.
View this post on Instagram
Деталите за нејзината здравствена состојба сè уште не се познати на јавноста, а многу обожаватели ѝ испраќаат огромна поддршка во коментарите.
Да потсетиме, Марковиќ претходно имаше сериозни проблеми со срцето. Во една прилика, таа нагласи дека „Бог веќе ја спасил неколкупати“.
– Таа операција беше толку тешка што буквално бев на две минути од смртта. Докторот истрча кај мене, тимот реагираше со молскавична брзина и ме спасија. Свесна сум колку сериозна беше таа ситуација, но Бог ме спаси неколкупати; знам дека Бог е секогаш со мене и не ме пушти. Тоа е само доказ дека сум добра личност. Знам што сум направила во мојот живот и кому сум помогнала и како. Моите синови се големи, но знам колку им значам, затоа живеам за нив. Се борам и знам дека тоа што сум таму е голема работа за нив – изјави таа за локалните медиуми на таа тема.
