Принцот Хари и Меган Маркл пристигнаа во Колумбија како дел од нивната четиридневна посета. По слетувањето во Богота, се сретнале со потпретседателката Франсија Маркез. Богота е еден од првите 40 најопасни градови во светот, па принцот и неговата сопруга се заштитени од колумбиската армија.
Војвотката од Сасекс била поканета во земјата од потпретседателката Франсија Маркес, откако дознала за приказната на Меган од документарниот филм во два дела на Нетфликс..
Таблоидите веќе ја нарекоа посетата на принцот Хари и неговата сопруга на Колумбија „квази-кралска“, особено ако се земе предвид колку тие се заштитени. Маркез и Меган веќе размениле подароци и имале убав разговор со чај и традиционален леб со сирење.
На состанокот со Маркез, Меган Маркл носеше темносин летен костум од брендот Veronica Beard, кој чини речиси 1.500 фунти, а својот изглед го дополни со бела чанта Loro Piana „Loom“ вредна 3.775 фунти.
Двојката има напорен распоред на настани и ќе започне со посета на локалното детско училиште Colegio Cultura Popular, кое е под силно вооружено обезбедување.
Маркез го опиша патувањето на војводата од Сасекс како „многу посебна посета“ чија цел е изградба на мостови и здружување на силите во борбата против сајбер малтретирањето, насилството и онлајн дискриминацијата, како и промовирање на женското лидерство во Колумбија.
Тимот на војводата од Сасекс не потврди како се финансира патувањето: од приватни извори, преку фондацијата Хари и Меган Арчевел, колумбиската влада или други средства.
Квази-кралската турнеја, која има многу сличности со официјалната кралска посета во странство, е втора за семејството – војводи од Сасекс оваа година по тридневната посета на Нигерија на покана на началникот на одбранбениот штаб на оваа западноафриканска земја.
Harper’s Bazaar, кој го покриваше патувањето како ексклузивен извор, објави дека Маркез го сподели нејзиното лично восхитување за покојната мајка на Хари, Дијана, принцезата од Велс.
Во текот на следните четири дена, војводите од Сасекс ќе ја посетат Богота пред да заминат за Картагена и Кали како дел од „културна и социјална“ посета.
Хари ќе се сретне и со членовите на колумбискиот тим „Invictus Games“ додека се подготвуваат за игрите во 2025 година во Вистлер, Канада.
Официјалните лица ја чуваат рутата како строго чувана тајна бидејќи некои области во земјата се опишани како „најдобро да се избегнуваат“ поради тековните внатрешни конфликти и проблеми со нарко картелите.
Се очекува двојката да престојува во претседателскиот апартман кој чини за ноќевање од 2.500 фунти па нагоре, во хотелот „Софител Леџенд“ во Картагена.
