Пејачката Весна Змијанац, која пред неколку дена беше оперирана во Ургентниот центар, денеска е пуштена на домашно лекување. По неа во болницата дошол нејзиниот зет, Реља Поповиќ, по што двајцата со такси се упатиле кон домот.
Како што може да се види од ексклузивните фотографии на „Курир“, Змијанац ја напуштила болницата дискретно, со капа, шал и очила за сонце. Реља бил видно расположен и насмеан, а кратко разговарал и со медицинскиот персонал, кој го информирал за здравствената состојба на пејачката.
Според информации од близок извор, пејачката се чувствува добро и за околу еден месец треба повторно да се јави на лекарска контрола.
Да потсетиме, Весна Змијанац беше оперирана пред четири дена, кога ѝ беше извршена ревакскуларизација на артерија поради итноста на нејзината состојба. При интервенцијата ѝ биле вградени три стента кои ослободуваат лек.
Како што тогаш изјави извор запознаен со случајот, пејачката имала сериозно стеснување, односно затнување на еден од најважните крвни садови на срцето – главното стебло на левата коронарна артерија.
Со оваа интервенција протокот на крв бил повторно воспоставен, со што се спречува инфаркт и се подобрува работата на срцето. Фактот што се вградени три стента укажува дека стеснувањето било подолго или присутно на повеќе места.
