Каролина Гочева во уникатно и секси издание се појави на настап, а многуте инстаграм-приказни покажаа како изгледала поп-ѕвездата.
Светкавите широки панталони и отворениот горен дел ја покажуваат Каролина во несекојдневно издание, каква што ретко ја гледаме, а се забележува и нејзината позитивна енергија и разиграност. Таа настапила на приватна забава заедно со нејзиниот бенд, а гостите според видеата уживале во нејзиниот настап.
Неодамна, таа со нејзиниот сопруг, уметникот Михаил Корубин беше на патување во Јапонија. Двојката, која е позната по изборот на внимателно одбрани и културно богати дестинации, пред еден месец престојуваше во Јапонија, каде уживаше во автентичната атмосфера на Токио.
Каролина на социјалните мрежи сподели серија досега необјавени фотографии од патувањето. На дел од нив позира сама, додека на други е во прегратката на својот сопруг, доловувајќи моменти на интимност и спокој во срцето на „Земјата на изгрејсонцето“, објави „Слободен печат“.
