Северина Вучковиќ во петокот имаше концерт во родниот Сплит, а веќе емотивната вечер ја направи уште потрогателна кога пејачката почна да ја пее песната „Вирујем у те“. Ја посвети на мажот кој беше со неа низ сите подеми и падови. Станува збор за нејзиниот пријател и менаџер Томислав Петровиќ, кој во моментот се наоѓа во болница. Таа сакала да создаде спектакуларна атмосфера во салата, па затоа ја замолила публиката да ги вклучи блицовите на своите мобилни телефони.
„Сакам да претставам еден посебен човек во мојот живот. Тој не е мој менаџер. Тој е мој пријател. Тој никогаш во животот не ме напушти, дури ниту кога јас него го напуштив, тој не ме напушти“, рекла Северина низ солзи.
На големиот екран се прикажувале фотографии и снимки од Северина и Томислав, а на тој емотивен момент никој не можел да остане имун. По настапот, публиката ја наградила Северина со громогласен аплауз.
„Прегрнете ги вашите пријатели вечерва.“ „На секого му посакувам еден Томица во животот. Пријателите се вашето семејство, а тој ги живееше со мене сите убави и тажни моменти“, им рекла Северина на присутните.
Кон крајот на концертот, пејачката ја извела и песната „Rođeno moje“, која секогаш му ја посветува на својот син Александар.
„Сега песна за најважниот маж во мојот живот, неговото срце чукаше под моето. Неколкупати се обидоа да ми го одземат, а денес, по 12 години борба, мојот син живее со мене“, гордо рекла Северина.
View this post on Instagram
