Пејачката и водителка Сузана Турунџиева сподели две фотографии со својот внук Јаков, на кои позираат пред училиште, а на едната фотографија тој нежно ја бакнува во образ.
„Брзај, брзај втораче. Моменти за кои се живее…“, напиша Турунџиева на Фејсбук, покрај фотографиите на кои двајцата се насмеани и прегрнати.
Турунџиева го користи секој момент да ужива во времето поминато со внукот, кој е син на нејзината постара ќерка Лора. Таа и претходно зборувала за големата љубов кон семејството и за тоа колку ѝ значат моментите поминати со најблиските.
Турунџиева, која зад себе има многу животни предизвици, минатата година во интервју за „Слободен печат“ раскажа дека успеала да надмине сериозна здравствена дијагноза, по која почнала поинаку да гледа на животот.
„Во изминатава година од животот добив жолт картон, а не бев подготвена за тоа. Но, истовремено сум многу благодарна што наместо жолт не добив црвен картон и добив шанса да се борам, да се променам, да победам!“, изјави тогаш Турунџиева.
Таа е основачка и диригентка на женскиот хор „Фрида од Македонија“, со кој одржува концерти и реализира хуманитарни активности. Во последниот период активно се занимава и со музикотерапија, одржувајќи часови на инструментот хендпен, чии звуци, како што вели, ѝ помагаат да најде мир и да се ослободи од секојдневниот стрес.
