Маријана Новачевска изгледа одлично на новата фотографија којашто неодамна ја објави од Мелбурн, Австралија, каде што живее повеќе од 30 години.
Многумина го пофалија младешкиот изглед на Маријана која е шарматна дама со стил и не се сменила многу од времето кога со нејзината сестра близначка, Росана Сариќ-Тодровска ги пееше хитовите „Признавам“, „Едно срце имам душо“ и многу други. Пријателите на Маријана позитивно се изненадија од оваа фотографија.
На Велигден во 2020 година, Маријана Новачевска стана баба. Снаата на Маријана, сопругата на синот Филип, Анастасиа, во Мелбурн ја роди Ева, првата внука на Маријана и на Тоде Новачевски, кој почина во 2022 година.
Маријана која со семејството долги години живее во Мелбурн, работи како стоматолог и се повлече од јавноста и од музиката. Таа има и ќерка Магдалена која е убава на мајка ѝ. Има еден статус кој Маријана го објави пред извесно време, а предизвика многу коментари:
– Постојат луѓе кои не играат, како другите што ќе им свираат. Тие не се сечии, кои било и безнадежни.
Толерантни се, свои, храбри и не се плашат од предизвиците на животот, понекогаш тврдоглави, а некој би кажал чудни, малку удрени и надмени.
Тие луѓе се сепак мали а големи, необични и упорно свои. Е, баш тие луѓе не ја бркаат среќата затоа што среќата се тие самите“.
