Руслана, жената која ја освои Европа со својот настап на Евровизија пред 19 години, сè уште е тема на интерес на многу луѓе, особено во време кога, непосредно пред овогодинешното натпреварување, публиката се потсетува на хитовите кои го одбележаа Изборот за песна на Евровизија низ годините.
Песната со која ја однесе победата „Диви танци“ денес има дури 30 милиони прегледи, а Руслана седумнаесет години ја носи титулата на апсолутен победник – од сценски настап до маестрална изведба.
Тогаш, атрактивната пејачка беше триесетгодишна и беше во полна сила, што јасно се виде на сцената преку нејзината неверојатна енергија, а денес Руслана има 47 години, одлична кариера во Украина но и изглед кој не е променет речиси седумнаесет години.
View this post on Instagram
– Често ме прашуваат дали некогаш сум се почувствувала како културен амбасадор на Украина? Можеби можеме тоа поинаку да го кажеме, но единственото нешто што навистина го сакав беше Европа да ги почувствува позитивните емоции кои доаѓаат од Украина. Нашите тапани, ритам, костими се нешто што не може да се заборави, па ми се чини дека успеавме – изјави неодамна таа при учествотото на конференција организирана за култура, медиуми и туризам во Украина.
Од 1995 година, таа е среќна во брак со Олександр Ксенофонтов, текстописец и продуцент, со кого води заедничка продукциска куќа, а се занимаваат активно и со изработка на филмска музика.
View this post on Instagram
Со музика се занимава од четиригодишна возраст, кога почнала да посетува музичко училиште. Дипломирала на музичката академија, отсек пијанист и диригент.
