Вчеравечер во хотелот „Александар Палас“ Скопје се отвори Саемот за венчавки кој ќе трае до 12 март.
На модната писта во прекрасни венчаници се појавија македонските убавици – од Маријана Станојковска до Лила, Кристина Димитријевска, водителката на „Брза кујна“ Сања Савеска, Светлана и Моника Црнокрак, актерката Драгана Левенска, водителката на „Бекстејџ“ Ева Јовановска.
Во текот на вечерта имаше и музички дел и многу забава.
Водителка на саемот оваа година беше Ведрана Ѓоргевиќ.
Во делот на програмата за сабота и недела има неколку индивидуални ревии, а посебен сегмент ќе биде и приказот на соодветни фризури и шминка за идните невести. На сцената има познати мејкап артисти кои ќе презентираат и ќе делат совети за совршен изглед за големиот ден.
Ви ја носиме вчерашната атмосфера, уживајте во фотогалеријата.
Фото – Аверел
