Поранешната сопруга на фолк-пејачот Аца Лукас, Соња Вуксановиќ, предизвика силни реакции на социјалните мрежи откако објави порака што ги изненади многумина. Кратката, но мошне директна објава брзо го привлече вниманието на јавноста.
Соња јавно се огласи на својот Инстаграм профил и со неколку реченици крена голема прашина.
„Кога еднаш психички ќе се среди човек по одредени односи, многу лесно се дистанцира од секој што би морал да го ‘поправа’. Ти не си ничиј родител, ниту институција за згрижување. Поправај се сам и остани токсичен во сопствената канта за отпадоци. Тука завршува бајката“, напиша таа.
Да потсетиме, Лукас претходно отворено пишуваше и за деталите од бурните расправии со Соња Вуксановиќ – жената која ја сметаше за својата најголема љубов. Таа остави силен белег во неговиот живот, му ја роди ќерката Викторија, а пред извесно време нивниот брак заврши со развод.
