Манекенката Атина Крозби, која своевремено се натпреварувала на натпревари за убавина, била пријателка со Метју Пери, кого го видела неколку часа пред неговата смрт.
Актерот Метју Пери беше погребан денеска на гробиштата спроти студиото каде се снимала серијата што го прослави – „Пријатели“.
На погребот, покрај неговото семејство, присуствуваа и неговите пријатели од истоимената серија, како и неговата пријателка, модел и актерка Атина Кроби, која беше фотографирана со актерот непосредно пред неговата смрт. Атина била на ручек со Пери кога тој ѝ ги открил своите планови.
“Беше добро расположен, разговаравме за идните проекти. Ми кажа дека сака да сними филм за неговиот живот”, изјавила Атина за “Entertainment Tonight” и додала:
„Тој рече дека сака да сними филм за неговиот живот. Претходно работеше на филм со Зак Ефрон и рече дека би сакал Зак да го игра во неговите млади денови и дека наскоро ќе го праша за тоа“.
