Ребека Јанковска-Ристески сподели посебна и многу емотивна приказна за мајка ѝ Роза, која досега никогаш не ја кажала.
-Горда на мојата мајка. Роза која работеше 40 години во МРТВ. Од најавувач, спикер на вести, до реализатор на дневнук, вести, уредник, автор на безброј наградувани емисии, серијали во училишната програма. Психолог и новинар-напиша Ребека до старите фотографии кои ги сподели од својата мајка во МРТВ.
Во една прилика, на нејзиниот фејсбук-профил, Ребека се присети на татко ѝ Благоја кој е починат иу напиша:
-Благодарение на хобито на мојот татко Благоја, кој патем беше одличен новинар и сликар, имаме илјадници фотографии од детството, а црно–белите фотографии татко ми дома ги развиваше, во кујната и тоа за мене беше вистинско доживување. Прозорите покриени со ќебиња, фотографии насекаде распослани.
Најпрво во некоја течност ги ставаше, а потоа ги редеше по масата и на јажиња со штипки. Магија беше тоа. Татко ми го доживував како некој маѓепсник и едвај чекав следно развивање на фотографии.
Патувавме многу насекаде по светот со фиќото, а потоа со нашиот 101 Застава. Замислете ја поминавме цела Европа 2 пати со Застава. Првиот пат тоа беше 1980 година. Благодарна за сите прекрасни, невообичаени патувања- раскажа пејачката.
