Фолк пејачката Лепа Брена и нејзиниот сопруг Боба Живојиновиќ се големи и страсни љубители на луксузни бродови, а по неколку години, оваа сезона ја заменија и својата јахта.
Семејството веќе со години го поминува поголемиот дел од летото на раскошната јахта, која стана нивна омилена оаза за одмор.
Но, оваа година ја смениле и јахтата и сега новото пловило, кое е поголемо од претходното, дури е и именуван по Брена.
Инаку, тие на Јадранското Море испловиле со новата јахта. Тоа е луксузна јахта со два ката, во чиј склоп се наоѓаат неколку соби, а името на бродот е „Лејди Б“.
Новата „играчка“ на семејството Живојиновиќ е долга 26 метри, комбинира класичен италијански дизајн со современ комфор. Бродот може да прими до 12 члена, вклучувајќи ги и членовите на екипажот.
Јахтата е со сива боја, а сезоната за нив започнала уште на почетокот на јуни кога Боба и Виктор испловиле и сами го обиколувале Јадранското Море.
Инаку, јахтата има два џет-скија, опрема за нуркање и мал чамец за трансфер до плажата и истражување на брегот, а јахтата дурии се изнајмува за крстарење ни Хрватска и Црна Гора.
