Македонската манекенка Моника Црнокрак летните горештини ги замени со престој во планина, каде што ужива во одмор со својот долгогодишен партнер Виктор.
Со серија фотографии објавени на Инстаграм, таа им овозможи на своите следбеници да ѕирнат во атмосферата од нивното романтично патување.
Парот престојува во модерна планинска куќа со големи стаклени површини и поглед кон природата, а дел од амбиентот го сочинуваат винтиџ када поставена во собата, хамок меѓу дрвјата и простор за скара во дворот.
„Скриени планински места во лето“, напиша Црнокрак покрај фотографиите.
На објавите се гледа како таа ужива со шолја кафе во хамок, додека на други кадри Виктор ја прегрнува и ја бакнува. Најмногу реакции, сепак, предизвика фотографијата на која Моника позира во винтиџ када, додека нејзиниот партнер го овековечува моментот со фотоапарат.
Следбениците ја пофалија и романтичната атмосфера, но и изгледот на манекенката, а фотографиите за кратко собраа бројни лајкови и комплименти.
Моника Црнокрак и Виктор се во врска повеќе од шест години и често споделуваат моменти од заедничките патувања и одморите.
