Пејачот Никола Роквиќ реши да тргне на хуманитарен аџилак до Егина, каде ќе го посети храмот на Свети Нектариј Егински.
Младата ѕвезда е голем патриот, исклучително лојален на православната вера. Си поставил задача да помине пат долг 1.060 километри пеш, без превоз. Синоќа на своите следбеници на социјлните мрежи, Никола им откри дека се наоѓа во Лесковац. Таму го пречека отец Симеон Каруљски. Седеа на масата, на која имаше две чаши ракија, со кои сигурно наздравија, и две мандарини.
Неговата сопруга Бојана Роквиќ пред неколку дена ги откри деталите за подвигот:
– Тој е навистина толку оптимист уште од почетокот. Досега има поминато околу 90 км, со оглед на тоа што поминува во текот на денот околу 30 км, па можете и вие да го следите, тој всушност секојдневно се ажурира на својот Инстаграм профил. И засега се чувствува навистина одлично, многу е возбуден, благодарен е на сите луѓе кои учествуваат, на компаниите, на сите кои се вклучени во поддршка на фондацијата и во нејзината мисија. Мислам, тој се подготвуваше за овој подвиг долго време, така што сега е навистина физички и психички подготвен и го тренираа луѓе кои прават екстремни маратони, па тој веќе знае што може да направи и што го чека на ова патување. Но некако верувам дека сигурно ќе биде тешко во одредени моменти, но верувам и дека дури и кога физички телото може да ослабне, умот нема, а тоа е најважно – рече Бојана за српските портали.
