Видео од пејачката Благица Павловска во досега невидено издание е објавено на социјалните мрежи, а на него ретко кој може да ја познае популарната фолкерка.
Благица е маскирана во вештерка, ја пее песната „Магија“, а костимот е најверојатно инспириран од американскиот празник „Денот на вештерките“ кој беше викендов. Пејачката е секогаш оригинална во стилот и во изјавите што ги дава, а ова е нејзиното најспецифично издание досега.
Една од најголемите ѕвезди во фолк музиката, по долги години настапи, сега живее мирен живот. Иако нема пензија, вели дека сега може да си дозволи повеќе да одмора, а помалку да пее. Редовно настапува во еден локал во Скопје и внимателно избира на кои фестивали ќе настапува.
– Не се форсирам премногу. Повеќе одмарам отколку што работам, уживам со моите миленици. Затоа што од лично искуство, со години наназад, јас имам доста големо искуство, долг период кога сум работела активно во кафаена и сум била насекаде.
Немам пензија, но очекувам нешто многу големо. Се надевам ќе даде Господ да се оствари – рече неодамна Благица Павловска во интервју за „Слободен печат“.
