Моделот Софија Ричи Грејнџ е бремена, а радосната вест дека го очекува своето второ дете со сопругот Елиот Грејнџ ја сподели на својот инстаграм-профил.
Во објавата, таа позира пред огладало прикажувајќи ја силуетата на своето заоблено стомаче.
„На пат сум да ги ‘лансирам’ овие бебиња“, напиша таа во описот.
Моделот и нејзиниот сопруг, музичкиот извршен директор Елиот Грејнџ, веќе се родители на ќеркичката Елоиз, која се роди во мај 2024 година. Откако ја доби ќерката, идната мајка изјави дека конечно се чувствува добро во својата кожа. Во своето видео за „Вог“, објавено на 25 јули, Ричи зборуваше за посебната врска со своето мало девојче.
„Мислам дека токму тоа што имам ќерка ме натера да сфатам колку е важно да се чувствуваш самоуверено и без шминка. Многу ѝ зборувам за тоа. Смешно е, затоа што има само една година и речиси не зборува, но убедена сум дека ме разбира. Затоа имаме длабоки, длабоки разговори за животот“, додаде низ насмевка.
На Мет Гала, Ричи Грејнџ даде изјава за својата модна комбинација и проговори за искуството на подготовките како нова мајка.
„Знаете што, беше убаво избалансиран ден — половина го поминав со бебето, а другата половина во најгламурозната вечер, испив шот текила, што одамна не сум направила. Се забавував и ова е првпат по долго време да излезам без сопругот“, откри таа.
„Ми недостасува вечерва, но толку сум среќна што сум тука“, додаде таа.
