Милијардерот Џеф Безос заедно со својата свршеница Лорен Санчез и во друштво на познати пријатели прошетаа на Страдун во Дубровник.
Безос беше домаќин на група пријатели, каде покрај познатата двојка Кети Пери и Орландо Блум, беше и американскиот пејач и текстописец Ашер. Познатите гости верно ги следеа нивните телохранители.
Кети Пери и Орландо Блум решија модно да се усогласат за оваа прошетка, па носеа бела облека. Кејти носеше едноставен бел краток фустан и рамни сандали, додека Орландо облече шорцеви, маица и кошула и папучи, а стајлингот го комплетираше со капа.
Судејќи по фотографиите, славниот пар и нивните пријатели уживале во стариот центар на Дубровник. Инаку, основачот на Амазон неодамна беше снимен како ужива на Јадранското Море, а неговата јахтата Кора е проценета на 500 милиони долари.
Страниците кои го следат движењето на луксузните јахти забележале дека Кора се наоѓала во близина на Елафитските острови, а малку подоцна била закотвена во близина на островот Локрум.
