Твитер „бруи“ од новиот изглед на поранешната сопруга на Арнолд Шварценегер, Марија Шрајвер: таа влезе во објективите на фотографите, појавувајќи се без шминка.
Maria Shriver looks unrecognizable while visiting new home in Santa Monica https://t.co/ya5kW690oC pic.twitter.com/d6pyn8OIm3
— New York Post (@nypost) August 24, 2022
Корисниците на Твитер се согласија дека вака како што сега изгледа 66-годишната поранешна прва дама на Калифорнија е резултат на неуспешни пластични операции, па дури и ја споредија со Клингоните (измислена вонземска раса од универзумот Стар Трек).
„Не сакам да бидам груб, но зошто Марија Шрајвер изгледа како Клингонец?– напиша еден корисник.
Друг пак и припиша друга сличност која ја препознал „Марија Шрајвер сега личи на Џон Траволта од Battlefield Earth“.
„Што направи таа со нејзиното лице? Изгледа страшно!“ – многумина се согласија со мислењето на овој корисник, трет пак, прашува „Дали Силвестер Сталоне и Марија Шрајвер го делат истиот пластичен хирург?“, „Време е Холивуд да стави крај на пластичните операции“…
Марија Шрајвер, која е внука на поранешниот американски претседател Џон Кенеди, се омажи за Арнолд Шварценегер во 1986 година. Во бракот, парот имаше четири деца: Кетрин, Кристина, Патрик и Кристофер. Двојката објави дека се разведува во 2011 година кога се дозна дека Шварценегер има син со домашната помошничка Милдред Баена.
Постапката за развод, за време на која и двајцата поранешни сопружници имаа други врски, конечно беше завршена минатата година и се одолговлекуваше поради немотивираноста на поранешните сопружници и тешкотиите со поделбата на заедничкиот имот (неговата вкупна цена беше околу 400 милиони американски долари) . Како што е познато, по поделбата на имотот, Шрајвер добила половина од приходите на Арнолд Шварценегер, вклучувајќи ги и пензиските заштеди.
