43-годишната Ким Кардашијан, поранешна сопруга на раперот Канје Вест и мајка на неговите четири деца, се појави во стил на сегашната сопруга на музичарот, Бјанка Ценсори. Таа во јавноста се појави во бело боди и хеланки. Фотографиите Ким ги објави на својата Инстаграм страница.
На фотографиите, Ким излегува од самопослуга во Лос Анџелес и оди кон паркингот каде што е паркиран нејзиниот сребрен „ролс-ројс“.
Нејзиниот аутфит е многу сличен на смелите модни комбинации по кои Бјанка стана позната, а кои самата Ким ги критикуваше. И ако Ценсори без срам ги покажува постојано своите голи гради без долна облека под проѕирните облеки што ги носи, Кардашијан сепак не ризикуваше до толкава мера.
View this post on Instagram
Во коментарите на нејзиниот инстаграм-профил, многумина ја споредуваа со Бјанка, а некои дури и ја нарекоа „Кардашијан Цензори“. Меѓу коментарите има и такви кои забележаа дека облеката на Ким што ја носи е слична на онаа што го пласира брендот за облека „Yeezy“ на нејзиниот поранешен сопруг Канје Вест.
