Бугарската музичка ѕвезда Азис ги шокираше своите обожаватели со објава на социјалните мрежи, каде што сподели фотографија од болничкиот кревет.
Во објавата тој откри дека неговата долгогодишна желба се остварила, алудирајќи дека се подложил на естетска операција.
Имено, Азис откри дека станува збор за поставување машки силиконски импланти во градите, пофалувајќи ги лекарите и медицинскиот персонал, нагласувајќи дека за време на престојот во клиниката се чувствувал „како дома“.
– Уште еднаш,д-р Николај Георгиев ми го остварува сонот! Тој постави машки, нагласувам машки, силиконски импланти во градите. Вкупно 600 кубни метри – 300 од секоја страна. Ќе имам убаво дефинирани, спортски гради. На почетокот ќе бидат малку непропорционални, поголеми, но со текот на времето ќе се намалат и ќе „легнат“ убаво – напиша Азис и додаде:
– Престојот во неговата клиника беше како да сум дома. Целиот тим е уникатен – прекрасни луѓе! Ве сакам, Ники Георгиев! Вие сте најголемиот професионалец во светот!
Иако не ги даде сите медицински детали, објавата привлече големо внимание кај јавноста и бројните фанови низ целиот регион.
