Македонската пејачка Антониа Гиговска ја започна 2026 година со стил, подарувајќи ѝ на својата публика новогодишна фотосесија со која симболично ја честиташе Новата година.
Фотосесијата зрачи со празнична енергија и самодоверба, а Гиговска се појавува во два впечатливи стајлинзи. На дел од фотографиите таа позира во црвено боди со панделка, бели хулахопки и црни салонки.
Вториот изглед е подеднакво моќен: ефектен црвен фустан со панделка како детаљ, кој ја заокружува празничната приказна и ја нагласува женственоста на пејачката.
Зад објективот е фотографот Антонио Станков, додека за шминката се погрижи Цеце Цветановска, а за фризурата Александар Лазаревски.
Покрај фотографиите, пејачката сподели и искрена порака, во која се осврна на изминатата година и со надеж го поздрави новиот почеток.
„2026… Кога веќе дојде, те замолувам биди добра со мене, не биди толку тешка колку претходната, биди уште поуспешна од неа.
Можам да пишувам многу за тоа колку ми беше и убава и не толку убава, но најважно од сè е што извлеков толку многу лекции. Сфатив дека кога си на врвот, околу тебе се сите, но најважно е кој е до тебе кога си на дното, кога ти е најтешко.
Има многу убави работи што треба да се случат во новава 2026 година и едвај чекам!
Ви посакувам само здравје, среќа, љубов и мир! Сè останато само ќе дојде! Или како што велам јас…
Што е твое – ќе си дојде, и сè се случува со причина!
Среќна Нова година, луѓе мои!
Ве сакам сите!“
