Познатиот актер Висар Вишка стапи во брак со својата долгогодишна партнерка Мерима. Венчавката се одржа вчера (4 септември) во матичната служба во Порта Македонија, во присуство на најблиското семејство и пријателите.
На свечениот чин присуствуваа и нивните две деца – малата Хана и најмладиот член на семејството, синчето Еди, кое се роди пред неколку месеци.
Невестата избра модерен бел костум, додека Вишка се појави во црн костум и бела маичка, во опуштен, но елегантен стил. По церемонијата, младенците организираа скромен семеен ручек во еден ресторан на плоштадот во центарот на Скопје.
Двојката сподели фотографии од убавиот настан на Инстаграм. Мерима откри дека бидермаерот бил подготвен за само еден час, а во објавата се заблагодари за совршената шминка и фризура, опишувајќи го денот како „најспецијалниот во мојот живот“.
Ова е втор брак за Висар Вишка. Од првиот брак со водителката Елена Митева, актерот го има синот Дион.
