Популарната музичка ѕвезда Теа Таировиќ денес беше подложена на итна операција поради внатрешно крварење. Веста за нејзиното нарушено здравје ја вознемири јавноста и нејзините бројни обожаватели низ регионот, особено ако се има предвид дека пејачката пред само три месеци едвај избегна уште поголема трагедија.
Имено, за време на летната сезона, во ноќта меѓу 4 и 5 август, Теа и нејзиниот сопруг Иван Вардај преживеаја тешка сообраќајна несреќа во Будва. Несреќата се случила околу еден часот по полноќ на влезниот кружен тек, а од силината на ударот автомобилот претрпел огромна материјална штета.
Иако тогаш претрпела голем шок, пејачката по лекарскиот преглед одбила да ги откаже професионалните обврски и по сопствена одлука го одржала закажаниот настап.
Новиот здравствен проблем и итната хируршка интервенција повторно ги загрижија нејзините блиски и публиката, кои преку социјалните мрежи ѝ упатуваат пораки за брзо и успешно заздравување.
