Дино Мерлин ќе настапи во престижниот хотел „Риксос Премиум“ во Дубровник за дочек на 2024 година.
Цената на пакетот наречен сина маса за две лица и три ноќевања е 1.395 евра (а има 10 отсто попуст до 31 октомври). Ноќевањето за дете до 12 години е бесплатно. Цената без попуст е 1.550 евра.
Пакетот црвена маса за две лица е 1.575 евра (10 отсто попуст за предвремено букирање), а без попуст е 1.750 евра. Пакетот наречен виолетова маса моментално е 1.755 евра, а без попуст е 1.950 евра. Во овие пакети бесплатно е вклучено и ноќевање за дете.
Понудата вклучува и празнична вечера но без пијалоци (пијалоците со вечерата се доплаќаат), афтер-парти со диџеј, новогодишна лотарија, детска новогодишна забава со програма за анимација и вечера со шведска маса. Секако, вечерта ќе ве забавува Дино Мерлин и со него ќе наздравите во Новата година. Тој од бина, вие од масите.
Мерлин и минатата година настапи во истиот хотел и ја воодушеви публиката со феноменален настап. Како што е веќе познато, тој ќе одржи четири концерти за пет дена на крајот на ноември во Штарк арената во Белград. Во Арена Загреб го очекуваат четири концерти.
