Босанската пејачка Џејла Рамовиќ е неразделна од хрватскиот пејач Јаков Јозиновиќ, а сега беше забележана во публиката на концерт во неговиот роден град.
Јозиновиќ неодамна настапи во Винковци, а на концертот присуствуваа повеќе од 25.000 луѓе. На социјалните мрежи беше споделено видео на кое се гледа дека и Џејла Рамовиќ присуствувала на концертот.
Имено, на една од фан-страниците на Јаков Јозиновиќ на Тикток, објавија видео од Џејла на кое наведува дека присуствувала на концертот со неговите пријатели и прашале дали ова е уште една потврда дека се во врска.
Кога станува збор за гореспоменатиот концерт, Јаков истакна дека тоа бил неговиот најпосетен настап.
– 25.000+ луѓе во мојот роден град. Мојот најпосетен концерт во мојата кариера. Мојата Винкулја, моите сограѓани, кои дојдоа и покажаа што е љубов и колку летаме заедно за овие чуда. Ова е мојот одговор на сè – рече Јозиновиќ на мрежите.
@jakov.fp plus sa njom su bile jakovljevi drugarice #dzejlaramovic #jakovjozinovic #dzejlaijakov #viral #xyzbca ♬ original sound – Jakov fp.💓
Да потсетиме дека гласините дека Џејла и Јаков се во врска почнаа да се шират откако тој објави видео на Инстаграм на кое се бакнува со девојка за која многумина веруваат дека е Џејла. Тој брзо го избриша.
Неодамна, двајцата беа во Котор во исто време, а подоцна беа фотографирани заедно како шетаат во Загреб. Младите пејачи сè уште не коментирале за наводната романса.
