ТВ-водителката Деа Ѓурѓевиќ за првпат јавно проговори за таткото на своето дете и за бременоста, откривајќи дека се чувствува одлично и исполнето.
„Сите се покрај мене, целата телевизија, и навистина сум благодарна за тоа. Наскоро ќе го дознаам полот на бебето, но едноставно – Бог така одлучил. Не планиравме бебе, но кога ги видов двете линии на тестот, навистина се шокирав, а во исто време бев пресреќна“, изјави Деа.
Таа откри дека нејзиниот партнер е нејзина љубов од средношколските денови.
„Тоа е љубов од средно училиште. Не се имавме видено 15 години, па излеговме на кафе и се случи тоа што се случи. Тој не сака јавно да се експонира и мене тоа ми е сосема во ред, го почитувам тоа. Ми рече дека ме чекал 15 години и ме праша каде сум била цело тоа време, но очигледно – сè се исплатело“, раскажа водителката.
На прашањето дали веќе имаат подготвени имиња за бебето, таа кратко одговори:
„Имаме, но нема да ги откријам. Заедно одлучивме. Искрено, би сакала и син и ќерка. Се чувствувам одлично, спијам постојано и сум навистина среќна“, рече Деа, а потоа откри и детали за венчавката.
„Се веривме. Свадбата ќе биде кога и да дојде време, најважно е сè да биде во ред со детето. Наше е да си го правиме животот убав – јас нему, тој мене, секогаш да си помагаме и да си го разубавуваме секојдневието, бидејќи доброто секогаш се враќа“, изјави Ѓурѓевиќ во емисијата „Премиера – викенд специјал“.
