Дара Бубамара без многу двоумење го кажа своето мислење за неодамнешната снимка на која се гледаат Лепа Брена и Џејла Рамовиќ.
Пред неколку дена на социјалните мрежи во Србија масовно се споделуваше видео од настапот на Џејла, која ја пееше песната на пејачката од Брчко. Во еден момент Брена ѝ го зеде микрофонот, а токму тој момент предизвика бројни реакции во јавноста.
Сега, непосредно пред снимањето на новата сезона на емисијата „Ѕвездите на Гранд“, Дара реши да ја коментира целата ситуација.
Пејачката откри дека го видела видеото со Брена и Џејла, но дека ситуацијата не ја разбрала како обид Брена да ѝ го одземе микрофонот на помладата колешка.
„Го видов тоа со Брена и Џејла. Јас не сфатив дека таа некому му го зела микрофонот, неа не ѝ треба тоа да го докажува. Секогаш нешто ќе испадне дека таа Џејла е сирота, сите се некакви грабливки, а таа е сирота“, изјави Дара.
Дара воедно откри и дека, и покрај гласините дека би можела да премине во „Ѕвездите на Пинк“, таа останува дел од Гранд.
Таа зборуваше и за одлуката на Ана Бекута да го напушти жирито, односно нејзиното место да ѝ го отстапи на Сања Вучиќ.
За новата членка на жирито Дара има само пофални зборови.
„Мило ми е. На Сања сум навикната како да е постојан член на жирито. Јас ќе бидам своја, можеби оваа година ќе бидам поостра“, порача пејачката.
Бубамара се осврна и на информациите дека Драгана Мирковиќ преговарала со Гранд за евентуално да го преземе нејзиното место во жирито.
„Тоа се зборуваше. Во ред, ако тоа е добро за програмата, зошто да не. Но јас знаев дека од тоа нема ништо. Можеби тоа беше некоја… Се извинувам што ќе бидам груба, но како да чекаа да видат што ќе биде со мене. Тоа е шоу-бизнис, тоа е работа. Мислам дека Драгана преговарала со сите медиумски куќи“, додаде пејачката.
