Хрватската поп-ѕвезда Данијела Мартиновиќ гостуваше во емисијата „Големи прашања на малите луѓе“ на детското радио „Браво“, каде што со најмладата и најслатка водителка Маша сподели искрени моменти од својот живот и кариера.
„Можеби би се вратила на самиот почеток, кога постариот брат Денис ме зеде за рака и ме однесе во црквата ‘Св. Доминик’, бидејќи тој ден пејачката не можеше да настапи. Мислам дека тоа беше иницијалната точка што ми ги отвори сите врати,“ откри Данијела.
Маша ја праша дали посакува трета среќа на Евровизија, по настапите во 1995 година со песната „Носталгија“ (заедно со оперската пејачка Лидија Хорват Дуњко, кога го освоија 11. место) и во 1998 година во Бирмингем со „Нека ми не сване“, кога го освои 5. место.
„Ти си третата личност во последниот месец што ме прашува за тоа. Досега не сум размислувала, но секој пат кога ќе кажам дека нема да одам, токму тогаш се случува. Ако ми се појави навистина добра песна, мислам дека би се осмелила. Не сум сигурна што зборувам, но го изговорив тоа пред тебе. Имаш ексклузива, Маша,“ рече со насмевка Мартиновиќ.
Пејачката се присети на еден незаборавен момент од концерт: „Скоро ми дојде еден господин од Австралија на настап во Истра. Ми рече дека поради мене ја сменил авионската карта и пристигнал еден месец порано во Хрватска, само за да присуствува на мојот концерт. Тоа е најубавата работа на светот“.
„Тешко ми е тоа да го измериме, затоа што многу плачам. Солзите ми се природни, не ги кријам. Плачам и кога сум тажна и кога сум среќна,“ искрено призна Данијела.
Кога Маша ја праша кој ја теши кога е тажна, таа откри: „Ме теши мојата најдобра пријателка Дорис. Родени сме истата ноќ, во истото породилиште“.
