Конечно се случи и тоа – легендарниот македонски глас Наум Петрески и неговата колешка и партнерка (веќе цели 16 години), се венчаа.
Во потесен семеен круг и во друштво на најблиските пријатели свадбата се случила во Охрид. Прво, тајно склучиле граѓански брак, потоа и се заколнале на вечна љубов во „Св.Наум“, известува порталот MMS.mk.
Зуица, убава како и секогаш, вита и елегантна, за оваа свечена прилика одбрала необичен, а впечатлив модел на венчаница. Наум пак, карактеристичен по црните кошули – очекувано во омилениот модел и сив костум.
Но тоа што најмногу ги краси среќните Зуица и Наум се токму нивните насмевки.
Пејачите се родители на ќерката Македонка и синот Стефан кои тргнаа по нивните стапки, одбирајќи ја музиката како нивна пасија и љубов. Од претходниот брак пејачот ги има ќерките Анастасија и Сања.
