Познатата кантри-ѕвезда и голема хуманитарка Доли Партон почина пред неколку дена по кратка борба со ракот, а зад себе остави имот проценет на околу 450 милиони долари.
Најголемиот дел од нејзиното богатство го стекнала благодарение на музичкиот каталог, но и на бројните бизнис-потфати во текот на повеќедецениската кариера. Сепак, особено интересно е тоа што Доли Партон за време на животот донирала повеќе од 600 милиони долари во хуманитарни цели.
Нејзината помош била насочена кон различни области – од образованието на децата и поддршката за младите, преку програмите на нејзината фондација, до собирање средства за истражувања и борба против ХИВ и СИДА.
Нејзината смрт го наметна прашањето кој ќе го наследи нејзиниот имот, односно 450 милиони долари?
Пред една година почина сопругот на Доли, Карл Дин, кој на пејачката ѝ го оставил својот имот, како и бројни лични предмети, но и детални упатства за тоа кои членови на неговото пошироко семејство ќе добијат одредени лични работи како подарок.
Познато е дека парот немал деца, но Доли зад себе оставила бројно семејство, односно дури 19 најблиски роднини.
Како Доли заработила толку пари?
„Форбс“ во 2025 година процени дека нејзиниот музички каталог, во кој се наоѓаат песни како „Jolene“, „9 to 5“ и „I Will Always Love You“, вреди 120 милиони долари.
На 20 години Доли Партон основала сопствена издавачка куќа, што на крајот ѝ овозможило секоја година да заработува од 6 до 8 милиони долари од авторски права.
Покрај музиката, нејзиното богатство се зголемувало и преку големиот број бизниси со најразлични производи, од производи за домаќинството до вино и перики. Таа имала 50 отсто удел во својот тематски парк „Доливуд“, кој се наоѓа во Пиџен Форџ во Тенеси и кој станал една од најголемите атракции во сојузната држава.
Деталите за тоа како пејачката сакала да биде поделено нејзиното богатство сè уште не се објавени, но Доли претходно зборувала за важноста од составување тестамент во интервју за „Билборд“.
„Не би сакала да оставам таков хаос на некој друг. Имам збор и за сите други уметници: ако самите не сте ги направиле тие одредби, направете го тоа. Не сакате да оставите таков хаос во семејството, па луѓето да се караат околу тоа. Мора сами да се погрижите за тоа, дури и ако е мака, а навистина е.“
Кому ќе му припадне богатството?
Како што пишуваат странските медиуми, Доли веројатно поголемиот дел од своето богатство од 450 милиони долари го оставила за добротворни цели, а нејзиното пошироко семејство сигурно ќе добие одредена сума, како и нејзините лични предмети.
