Популарната пејачка Ана Николиќ ретко зборува за своите рани амбиции, кои воопшто не биле поврзани со музика и естрада. По завршувањето на гимназијата, Ана се запишала на вишата политехничка школа, насока дизајн на кожа и обувки. Но, нејзините интереси биле многу пошироки – дури размислувала и за медицински факултет, а била и на приемен испит за студии по англиски јазик.
Токму тој момент денес го памети како големо разочарување.
„Англиски не успеав да запишам. Тоа ми беше најголемиот пораз. Бев под цртата – примаа 70 студенти, а беа пријавени повеќе од 2.000 кандидати. Бев во шок: Јас под цртата?!Па самата си одредив казна – таа година не заминав на море и се вработив во еден кафе-бар. Тоа за мене беше огромен удар“, раскажала Ана.
Пејачката открила дека пред тоа сонувала за сосема друга професија – глумата. Но, како што вели, овој пат никогаш не го започнала, делумно и поради реакцијата на нејзиниот татко.
„Сакаав да ги натерам родителите да ме пуштат да полагам глума уште во трета година гимназија. Не ми рекоа не, но доволно беше татко ми само да ме погледне. Неговиот поглед зборуваше повеќе од зборови“, искрено признала Николиќ.
