Дарко Лазиќ, кој едвај преживеа тешка сообраќајна несреќа пред седум години, пред неколку дена повторно беше вклучен во судир кога со своето возило удрил во автобус на автопатот, во близина на Белградската арена. Иако пејачот тврдеше дека не пиел ништо, тој беше демантиран од видеата на социјалните мрежи, како и од тестирањето кое потврди дека имал дури 1,93 промили во крвта.
Оваа несреќа е само најновата во низата инциденти и проблеми во сообраќајот што ги имал Лазиќ, поради што му е одземена возачката дозвола.
Неговите чести прекршоци и неодговорно однесување во сообраќајот предизвикаа јавна осуда, со оглед на тоа дека со своето несовесно возење не само што го загрозува сопствениот живот, туку и безбедноста на своите најблиски, како и на другите учесници во сообраќајот. Сепак, има и такви кои решија да му понудат помош на Лазиќ. Имено, неколку автошколи го искористија моментот за нивна промоција и му понудија на пејачот бесплатна обука.
Така, еден салон за автомобили јавно го покани Дарко да ги контактира бидејќи ќе ги добие сите 40 часови бесплатно.
„Со задоволство му даваме на Дарко Лазиќ целосна обука – 40 часови по возење целосно бесплатно! Дарко, ти посакуваме многу среќа и се гледаме наскоро на часовите!“, рекоа од автошколата.
На забелешката дека подарокот треба да се пренасочи кон млад човек кој нема пари да плати за обука, автошколата одговори дека сакаат да му дадат подарок на Дарко за да не ја загрозува повеќе безбедноста на учесниците во сообраќајот и конечно да научи сè според правилата.
Невообичаените понуди привлекоа големо внимание на социјалните мрежи, како и духовити коментари. Па така, еден корисник напиша: „Немате доволно автомобили за Лазиќ да вози 40 часа“.
Сепак, имаше и такви кои мислат дека Лазиќ не вреди ниту повторно да ја помине целата обука: „Сè е за џабе, кога алкохолот си ја врши работата“, „Ова е лоша реклама за тебе, бидејќи ќе се заебе во каналот уште неколку пати, па ќе биде како да не ме научиле ништо“, „Па, вели дека знае да вози“…
