Пејачката Анастасија Ражнатовиќ веќе со години ужива во љубовта со фудбалерот Немања Гудељ, со кого живее во Шпанија. Иако ретко зборува за својот приватен живот, овој пат направи исклучок и сподели емотивен момент со сопругот.
Анастасија објави видео од ноќно излегување, на кое таа танцува, додека Гудељ ја прегрнува цврсто околу половината. Снимката брзо привлече внимание, а пораката што ја придружуваше зборуваше сама за себе.
„Верноста и почитта се единствениот еквивалент на вистинската љубов“, напиша таа во описот, јасно ставајќи до знаење на кои вредности го темели својот брак.
@anastasijagudeljSo happy to have the healthiest marriage with the most loyal Godly man. 🥰🫂♬ original sound – milanmusic
По венчавката, Анастасија се пресели во Севиља, каде што со сопругот започна ново поглавје од животот. Во едно од претходните интервјуа таа искрено зборуваше за животот надвор од Србија и за прилагодувањето на новата средина.
„Во Севиља морав да зборувам шпански, бидејќи речиси никој не користи англиски. Не ми беше тешко да научам, имав предзнаење од теленовели. Најмногу ми недостига мајка ми, ние сме многу блиски. Како најдобри другарки сме и сè што ќе ми се случи, прво неа ѝ го кажувам“, откри таа неодамна.
