Александра Пријовиќ денес ја гради кариерата на сосема поинаков начин, па нејзините претходни настапи на ромски веселби морале дури и да бидат отстранети од интернет.
Хармоникашот Борко Радивојевиќ проговори за соработката со Пријовиќ и откри како дошло до барањето да се избрише дел од историјата на нејзината кариера. Иако настапите на ромски веселби се добро платени, тие повеќе не се дел од професионалните планови на Александра, што потврди и самиот Борко.
На прашањето дали Пријовиќ лично побарала да се отстранат снимките од ромската свадба на која настапувала, хармоникашот објасни како дошло до барањето за отстранување на материјалот:
„Не ми побара лично, но нејзиниот тим побара од сопственикот на Јутјуб каналот каде што беа објавени снимките тие да се отстранат, и јас се согласувам со тоа. Таа не се срами од ништо, јас ја познавам добро. Ја знам од моментот кога беше дете, а барањето снимките да се избришат беше затоа што таа донесе одлука повеќе да не се занимава со тоа. Поточно, да не пее на веселби, и Александра Пријовиќ е моментално единствена за која тие услови повеќе не важат“, рече Радивојевиќ во емисијата „Претрес“.
