Поранешната Мис на Хрватска и модна икона Лејла Филиповиќ ги разнежи своите следбеници на социјалните мрежи со објава посветена на 18. роденден на својот помлад син Арман. Таа сподели семејна фотографија на која позира заедно со сопругот Тарик Филиповиќ и славеникот, придружена со искрена порака исполнета со мајчинска љубов и гордост.
Во описот на објавата, Лејла откри и интересен детал поврзан со изборот на името на синот. Таа напиша дека првично имале избрано име за девојче, но плановите се промениле, по што го објасни значењето на името Арман, кое на различни јазици симболизира идеал, цел, желба и сон.
„Ти си нашата желба и остварен сон“, порача таа.
View this post on Instagram
Со многу емоции, Лејла му упати и желби за иднината, испраќајќи го синот во светот на возрасните со пораки за здравје, љубов, среќа и зачувување на насмевката, нагласувајќи дека секогаш ќе биде нивна гордост. Објавата за кратко време доби бројни реакции, а следеа и честитки од пријатели и следбеници кои истакнаа дека времето брзо поминало и дека сè уште го паметат Арман како дете.
