Адел му оддаде почит на починатиот Метју Пери за време на нејзиниот концерт во Лас Вегас, откако глумецот почина во саботата.
Иако сè уште не е јасно која е причината за смртта на Метју Пери, тој секогаш беше отворен за неговите борби со зависноста од алкохол и наркотици, а особено за тоа отворено зборуваше во неговите мемоари.
Познатата пејачка, која неодамна го откри своето патешествие до трезвеноста, го прекина концертот за да се потсети на ѕвездата на „Пријатели“.
„Секогаш е толку шокантно, особено кога станува збор за некој што те насмеал и кој донел толку многу радост во твојот живот, а не го познаваш“, рече Адел.
„Ова е она што ми е толку чудно, никогаш во животот не го сретнав“.
„Се чувствувам толку тажно поради тоа, особено затоа што не мора да знаете што се случува“.
„Ќе го паметам тој лик до крајот на мојот живот. Тој е веројатно најдобриот комичар на сите времиња“., им рече Адел на своите фанови кои беа присутни на концертот и додаде:
„[Пери] беше толку отворен за неговите борби со зависноста и трезвеноста, што мислам дека е неверојатно, неверојатно храбро“.
„Сакам само да кажам колку го сакам тоа што го направи за нас“.
Adele has payed a tribute to Matthew Perry, the eternal Chandler from “Friends”, who passed away last night at age 54. 🕊️
— “He was so open with his struggles. With addiction and sobriety. Which i think is incredibly, incredibly brave (…) just wanna say how much i love what he… pic.twitter.com/uojj2N6gCE
— Adele Daily (@adeledailynet) October 29, 2023
Смртта на Пери поттикна бројни објави со почит постирани на социјалните мрежи од многубројни учесници во забавната индустрија и јавни личности, а Saturday Night Live посвети дел од емисијата во чест на Метју Пери.
Во меѓувреме, сочувство изразија и актерите од „Пријатели“ и канадскиот премиер Џастин Трудо.
