Да си ги измиев нозете на сцена можеби ќе победев, изјави српскиот пејач Аца Лукас по поразот во шоуто „Беовизија“ во кое го освои петтото место. Сега тој одлучил да тужи некои членови на жирито, како и генералниот директор на РТС Драган Бујошевиќ и уредничката на Забавната програма на Јавниот сервис на Србија, Оливера Ковачевиќ, пишува Блиц.
Во тужбата, Фолкер наведува дека Неда Украден и другите членови на жирито не гласале за него поради лични причини и несогласувања кои наводно постојат меѓу него и РТС и дека поради тоа незаслужено загубил.
По поднесувањето на тужбата се огласи и Неда Украден.
-Како да се коментира тужбата на човекот на кој само јас му дадов гласови, а на победникот не му дадов ниту еден глас? – напишала Неда во пораката.
