Американската и швајцарската пејачка, актерка и танчерка Тина Тарнер почина на 83-годишна возраст, соопшти вчера нејзиниот портпарол.
View this post on Instagram
Нејзиниот претставник во изјавата рече:
– Тина Тарнер, „кралицата на рокенролот“ почина на 83-годишна возраст по долго боледување во нејзиниот дом во Куснахт во близина на Цирих, Швајцарија.
View this post on Instagram
Тина Тарнер, родена Ана Меј Булок на 26 ноември 1939 година во Нутбуш, Тенеси беше американска пејачка и актерка која имаше швајцарско државјанство од 2013 година, чија кариера траеше повеќе од 60 години.
Нејзиниот успех, популарност и бројни награди и ја донесоа титулата кралица на рокенролот. Тина Тарнер ја започна својата кариера на 19 години, во 1958 година како пејачка и придружен вокал во „Kings of Rhythm“ заедно со Ајк Тарнер, со првиот сингл т.е. со песната „Малата Ен“.
View this post on Instagram
Во 1960 година, на пошироката јавност и стана позната како Тина Тарнер кога настапуваше покрај Ајк Тарнер, со кого беше во брак од 1962 година до нивниот турбулентен развод во 1978 година.
Најголемите музички хитови во нејзината кариера се „Simply the best“ или „The Best“, „Proud Marry“, „I don’t Wanna Loose you“, „1984“, „What’s Love Got to Do with it“, „Private Dancer“, „I Can’t Stand the Rain“, „Help“, „River deep- Mountain High“ синглот што го отпеа со Ајк Тарнер, „We Don’t Need Another Hero“ и многу други хитови.
Тарнер важи за еден од најпопуларните пејачки во светот со над 180 милиони продадени албуми ширум светот.
