Српскиот фолк-пејач Дарко Лазиќ се најде во центарот на негативни коментари на социјалните мрежи откако од неговиот неодамнешен настап исплива видео која брзо стана вирално. На неговиот репертоар се најде и познатиот хит „Да се опет родим“ од Синан Сакиќ, но изведбата на Лазиќ наиде на жестоки критики од страна на публиката и корисниците на платформата ТикТок.
Многумина во коментарите со потсмев и неверување го коментираа неговото пеење, посочувајќи дека неговите вокални способности повеќе не се на истото ниво од минатото.
@svabo1987 #foryourpage #darkolazic #fypシ゚viral🖤tiktok ♬ izvorni zvuk – Danijel Ertner
Бројните корисници на социјалните мрежи не штедеа зборови, па под видеото се нижеа исклучително сурови коментари во кои луѓето се прашуваа што се случува со неговиот глас и кариера. Некои од присутните на шега коментираа дека гостите во клубот практично плаќале за да си заминат, додека други со доза на жалење истакнаа дека тој очигледно го отпеал своето.
