„Навистина сакам мојот татко да беше сега тука и да го погледне ова. Тој би бил многу горд…“, истакна Џонсон.
Двејн Џонсон – The Rock (Карпата) на социјалните мрежи го објави тизер трејлерот за „Young Rock“, автобиографскиот ситком кој го раскажува животот на професионалниот актер и борач.
Ситкомот ќе биде прикажан на ТВ мрежата „NBC“, а ќе го претстави детството и адолесценцијата на Двејн, а потоа и влегувањето во дисциплината борење, под менторство на својот, денес починат татко, Роки Џонсон, кој го толкува Џозеф Ли Андерсон.
– Дами и господа повелете првиот увид во „Young Rock“, напиша Двејн Џонсон на Инстаграм и додаде:
– Навистина сакам мојот татко сега да е тука и да го погледне ова. Тој би бил многу горд.
Адријан Гролукс, Бредли Костант и Ули Латукефу го играат десетгодишниот, петнаесетгодишниот и дваесетгодишниот Двејн Џонсон, додека вистинскиот Џонсон се појавува во улога наратор.
– Не можам да дочекам вас и вашите семејства малку да ве насмеам и да споделам неколку животни лекции кои ги научив, додаде тој.
Премиерата на серијата „Young Rock“ е закажана за 16 февруари на „NBC“.
