Голем број луѓе ја следеа традиционалната божиќна порака на кралицата Елизабета Втора и оваа година, при што забележаа интересен детаљ – овој пат на бирото на кралицата Елизабета се наоѓа една слика во рамка од само еден принц.
Нејзиното височество секоја година на Божиќ, 25 декември, им се обраќа на Британците и на другите жители на земјите од Комонвелтот, а годинашната порака остави посебен впечаток.
Сепак, како и обично, медиумите добија и други детали од видео пораката, како што е бирото на кралицата.
Британците се навикнати кралицата секогаш да има бројни фотографии од целото нејзино семејство или барем блиски наследници, но оваа година на нејзиното биро имаше слика на само еден принц – нејзиниот сопруг Филип, со кого оваа година ја прослави 73-годишнината од бракот.
