Популарниот пејач почина во 2018 година, на денешен ден, 29 јули.
Оливер Драгојевиќ градеше музичка кариера со децении и уживаше огромна популарност низ поранешна Југославија, а неговата вдовица Весна своевремено зборуваше за нивниот заеднички живот и за деновите кога Оливер ѝ се додворувал.
„Имаше една Јелена, јас ја познавам. Секој ден ги менуваше жените. Тој со неа под мишка, а се забавува со мене. И тоа траеше сигурно десетина дена. И еден ден седи во една градска кафана со насмевка и ми вели: „Сињорина, вие сте ми нешто познати!“ А јас му велам: ‘Ме знаеш, зашто зад грб си ми веќе десет дена“, рече Весна за Радио Далмација, пренесува Слободна Далмација.
„Тој беше изгубен случај. Во два часот наутро ми звонеше после концерт во Требиње, дека со такси ќе дојде по мене, ѕвони домашниот телефон во ходникот, ја разбудив цела куќа, а јас работам наутро во шест во болница“, продолжи Весна за време на интервјуто, па откри дека таа го издржувала:
„Тој беше спонзоруша, јас го издржував, моите подигнаа кредити да го направиме станот…Кога се венчавме, единаесет души живеевме осум години во ист стан! Наутро сите ќе се разбегаат, остануваме само јас и свекрвата. А свекрвата имаше години колку што јас имам сега. Но таа, според моето доживување, ми беше толку стара, што очекував дека секој ден може да умре. Таа ми зборуваше: Ајде ова, ајде она, јас ќе умрам“.
Дека во нивната врска не било се идилично сведочи и фактот што Драгојевиќ ја изневерувал сопругата со поранешната манекенка Бранка Мариќ Мути во 1970-тите и 1980-тите години, па дури и сакал да се разведе поради неа.
„Во текот на сите тие години честопати завршував во итната медицинска помош поради стрес и нервоза. Долго време се обидував да сфатам зошто Оливер се сврте кон друга жена, но на крајот сфатив дека се работи за неговата незрелост и несигурност“, изјави во една прилика Весна.
На ова прашање своевремено се осврна и самиот Оливер.
„Никогаш не сум сакал да зборувам за својот живот надвор од сцената, но по сплет на чудни и неморални околности, се најдов во центар на скандал кој други го инсценираа. Мојата интима е пред се моја работа и се што треба ќе решам во своите четири ѕида и со оние кои се грижат, а душебрижниците ќе останат гладни за сензација“, рече тогаш Оливер, пренесува српски Блиц.
(Фото) Бен Афлек си купи нов дом и брзо го најде без Џенифер Лопез: Официјално е сам дома!
