Игор Полиќ, синот на српската пејачка Ана Бекута кого го родила во 1976 година како тинејџерка на само 17 години, никогаш не и се налутил на својата мајка што го оставила како бебе на неколку месеци во дом за сирачиња.
– Откако знам за себе, знам дека таа била принудена еден дел од својот живот да биде без своето дете. Тоа никогаш не се криеше од мене, ниту на мене остави било какви последици. Мајка ми сето тоа го надополни подоцна и многу повеќе од тоа. Ние двајца и денеска зборуваме за тоа. Верувајте дека секогаш на тој период гледав нормално. Таман работа да и забележам на мајка ми што морала да го стори тоа, бидејќи таков бил законот тогаш – рекол Игор за српски „Курир“, кој пак не е во контакт со својот татко.
– Ги имам сите информации за татко ми, но не се слушаме, ниту се гледаме – открил Игор Полиќ.
Пејачката пак за „Стар“ тогаш изјавила:
– Секој викенд патував да го видам Игор, кој ми се смееше од креветчето, препознавајќи која сум. До следната сабота во живот ме држеше неговиот мирис на пудра во ноздрите и отисокот од неговите мали усни. Агонијата траеше неколку месеци, а потоа гласот на срцето и разумот ми ја вратија таа птица кај мене.
Ана открила исто така за што се кае во животот…
– Се каам што не родив уште едно дете. Само поради тоа се каам и поради ништо друго – рекла за медиумите.
